Lehen Taldea 10 urt. 2026

Alessio Lisci: "Ate aurrean ez gara fin ibili eta hori, Lehen Mailan, ordaindu egiten da". 

Entrenatzaile gorritxoak hedabideekin hitz egin du Gironaren aurka galdu ostean

Osasunako entrenatzaileak, Alessio Liscik, komunikabideak artatu ditu Gironaren aurka galdu ostean (1-0). "Min handiagoa ematen du, baina galdu behar badut, horrela galdu nahi dut. Puntuak lortzetik oso gertu egon gara, baita irabaztetik ere", adierazi du gorritxoen entrenatzaileak.

Ildo horretan, Liscik adierazi duenez, "oso aukera argiak izan ditugu, oso argiak. Sartu egin behar dira, ez dago besterik. Ate aurrean ez gara fin ibili eta hori, Lehen Mailan, ordaindu egiten da ".

Aste zorrotz batean, Kopako eta Ligako partidekin, taldeak egingo duen lanari buruz galdetuta, entrenatzaile italiarrak azpimarratu du "burua garbitu" behar dela. "Zorionez, asteartean berriro jokatuko dugu". Era berean, Real Oviedoren aurkako hurrengo Liga konpromisoaren garrantzia azpimarratu du: "gaurko emaitzarekin sailkapenean estu gaude eta Kopan ondo lehiatu beharra dago, Oviedoko partida oso garrantzitsua baita".

Azken albisteak Guztia ikusi